梧：在下有幾樣嘢想同各位網友講。

由2015年開始，呢個page就係在下一個專...

梧：在下有幾樣嘢想同各位網友講。

由2015年開始，呢個page就係在下一個專係欏嚟9up的平台，當時點解開呢個page嘅原因，只係純粹覺得香港真係識寫finance/ econ嘅人少之又少，但係鳩寫呃人嘅人太多，所以在下先會喺Facebook開波寫；開呢個page之前在下有寫過經濟日報，但係無奈限字數同題材，寫吓寫吓都唔鳩想寫鳥。

喺呢6年，網絡上面出現咗越嚟越多寫呢兩個範疇都寫得唔錯嘅人，係一件好事；而呢6年，在下都有因為呢個page而有幸地認識咗唔少朋友，賴叔陸龜老坑係其三（屌咁得罪人嗰啲就更加不計其數啦）。

喺當年Facebook嗰條algo無咁仆街嘅時候，係真係做得到natural reach的。而由day 1到而家，在下都無撚俾過1蚊去推呢個page，將來都唔會。

不過，人總需要向前望。呢一兩年，自反送中運動開始到而家，在下經歷咗人生上嘅一啲轉變，亦令到呢個page變得七零八落，疏於管理。除咗自己懶之外，主要原因係因為在下而家變咗個生意佬，亦無再喺個鱷魚潭入面搵食，不過每日睇報紙、睇sell side report同埋睇書呢個習慣一直以嚟都無改變到，所以而家仲會有以前識落嘅hedgies老友會同在下討論macro嘢咁解。

而有鑑於在下偶然都會喺呢度9up一啲其他嘢，例如音樂、時事、NBA等等，但係越嚟越覺得喺呢個page度講唔係好appropriate。其實在下越嚟越憎寫finance嘢，但係摺咗呢個page又覺得可惜，畢竟都同大家9up吹水咗咁多年……

所以，第一樣要同大家講嘅嘢係——在下會restructure，開多個FB page，將其他類別嘅9up嘢放入去，呢度以後就剩係9up finance-related嘅嘢。

第二樣嘢呢，就係——在下會將整一個收費平台，不過你地唔撚好以為我會好似Ivan咁全職寫finance嘢，在下真係無咁撚多時間。其實，在下個收費平台，係打算擺在下將要連載嘅小說、散文、隨筆等等，然後收錢（咁梗係會喺個新FB page有免費teaser嘅，放心）。

其實呢，做文青係由在下細細個就有嘅夢想，其實在下中學大學時代開始就已經有寫小說寫書，至於點解會end up變咗做一個滿身銅臭嘅人囉喎……屌咪撚問啦。

至於點解而家先開始再寫小說做文中？貪得意？唔係啦屌，係因為在下其實真係想「在香港逐漸崩壞的時候，用一支筆，記錄香港過去、現在的一切」，呢個亦會係在下嘅author description。筆名亦都會用返梧杞杬。不過咁，雖然大家一路以嚟都係睇在下講廣東話，不過正式寫小說寫文嘅時候係會寫白話的。

最後，講明先，在下係唔會用Patreon/ Medium呢類平台，因為除咗個UI十分樣衰之外，在下最concern嘅嘢就係「個版權歸佢地」，no fucking way，個版權只能夠歸我。當在下架好個platform嘅時候會再同大家講。

鍾意嘅，咪支持吓囉，唔鍾意嘅，等在下開咗個新FB page，咪過嚟屌囉，在下保證，一撚定會還拖。

講撚完。

ps. 個新page喺呢度 https://www.facebook.com/ky5writes

---